Tal como sucedeu no ano anterior, a Rádio Montalegre volta a associar-se ao mega projecto radiofónico "Ponte...nas Ondas" que reune várias radios galegas e do Norte de Portugal (ver lista em anexo). Uma aposta arrojada que reforça o alcance desta estação emissora.
Entre outros dados pode lêr-se:
«Ponte... nas ondas! voltará unir as voces dos tres continentes na xornada radiofónica do 26 maio. A fórmula que consolidou a experiencia de comunicación e que lle fixo acredora de dous recoñecementos recentes como o Premio Galicia de Comunicación por parte da Xunta de Galiza e dos Bos e Xenerosos por parte da Asociación de Escritores en Lingua Galega voltará a repetirse nesta XII edición: a educación, a cultura, os medios de comunicación e as novas tecnoloxías.
Unha xornada que terá como lema Os sons da Ponte ( www.pontenasondas.org ) e que vai contar con participación de centros educativos dos tres continentes ( Africa, América e Europa ) e con artistas representativos que comparten unha mesma sonoridade e expresión.
Ponte...nas ondas! convidou a colaborar na experiencia radifónica a Timbila Muzimba de Maputo ( Mozambique ). Os sons e o ritmos da Timbila ( unha esopecie de xilófono de madeira ) veñen de ser proclamados Obra Mestra do Patrimonio Inmaterial nas últimas proclamacións da UNESCO. Neste caso a "timbila" (o xilofone africano) xúntase ao "muzimba" (o corpo que sente e exterioriza o son creado) nun espectáculo de cruzamento de sonoridades tradicionais e contemporáneas.
O grupo Timbila Muzimba impartirá obradoiros nos centros educativos galegos e portugueses e actuarán na V Mostra da Oralidade Galego-Portuguesa.
De Portugal chegará nesta ocasión a colaboración dunha persoa polifacética e tamén de orixe mozambicana como Amélia Muge. Desde o principio, a súa carreira musical foi en constante desenvolvemento, integrando diversas formas de expresión artística e cultural, intentando a unión entre música e educación, a través da comunicación. O seu traballo paralelo na áreas da formación e a educación levárona a participar en diversas manifestacións culturais: música, teatro, poesía, ... en radio, televisión e en actividades de animación cultural. Amélia Muge xa ten realizado algunha colaboración con grupos galegos como Xeque Mate ou con Amancio Prada.
E do Brasil estará na xornada radiofónica a voz de Luanda Cozetti, filla de Alipio de Freitas e desde o seu Rio de Janeiro traerá os sons do seu último traballo musical Puro co baixista Norton Daniello. Luanda Cozetti ten unha intensa vida asociada á loita do seu pai, Alipio de Freitas, obxecto dunha letra de José Afonso.
E da Galiza máis emerxente e máis creativa estará en Ponte...nas ondas! a voz e o talento de Narf ( Fran Pérez ) . O último traballo de Narf, Bumba, está directamente vinculando aos Timbila Muzimba.
E a Banda de Poi traerá a Ponte...nas ondas! o son do século XXI que nace da irmandade entre Galiza e Portugal.
A programación de Ponte...nas ondas! contará coa participación de grupos de xoves de Cuba, Brasil ou Cabo Verde e con alumnos de escolas primarias, secundarias e das Universidades de Vigo, Santiago e Tras-Os-Montes. E para completar todas franxas de idade, sumaránse ás 24 horas de programación un grupo de alumnado da Universidade Sénior».
| | |
